تيجى نقسم القمر انا نص وانت نص

بعد السلام يا سااادة يا كراااام
صحيت النهاردة على صوت مرتفع من جيرانا ... والست ام فهمى ماسكة عيالها ونازلة ضرب
وسامع صوتها بتقول يعنى ايه يواد انت وهو تنفصلوا هاا 00 انطقوا عاوزة افهم الكلام ده جبتوه منين 00 وطبعا كعادتى تدخلت فى الموضوع وخبط عالباب 00 خير يام فهمى حصل ايه 00 تعال يا استاذ امير شوف العيال واللى بيعملوه فيه 00 طب بس استنى انتى وروقى دمك 0
فهمى تعال هنا يااض انت مزعل ماما ليه انت ونظمى
ابدا يا عموو والله ماقلت حاجة انا بس عاوز ماما تفصل بينى وبين نظمى فى المصروف
يسلام وايه الكلام الكبير ده 00 مش فاهم فهمنى
ياعموو امير دى البلاد بقت بتنفصل واحنا قاعدين ناخد المصروف مشترك
يا حبيبى ماهو لما تاخدو المصروف سوا تقدروا تيجبوا اللى انتم عاوزينه سوا
لا ياعموو ماليش دعوة انا عاوز مصروفى لوحدى 00 انا حر فيه
يابنى مانتوا ليكم ماما واحدة وفى لاخر فى بيت واحد
وايه الفايدة لما ماما تميز نظمى وتديله اكتر جنيه عن مصروفى
ماهو نظمى اكبر منك بسنة لازم يخد مصروف اكتر افهم بقا
يسلام ياعموو يعنى ده سبب للتفرقة 0 وبعدين شنودة صحبى قالى مامتك غلطانة
قول كده بقا يعنى فيه تدخل خارجى
عموو تدخل خارجى بقا ولا داخلى المهم الكلام صح
طب ونظمى رايه ايه فى الموضوع ده
عموو امير نظمى مالوش راى انا اللى قرررت وانا اللى باخد القرار دلوقتى
طب يا حبيبى وانت شايف انك هاتقدر تعيش بالمصروف ده لوحدك
لاء يا عمووو منا هاحط مصروفى على مصروف شنودة صحبى فى الفصل ونعيش بقا
يا فهمى ماهو كان من باب اولى تحط مصروفك مع اخوك والبيت يبقا واحد
ماهو نظمى طول عمره مش واخد بااله منى 00 اشمعنا بقا النهاردة
ماهو يمكن عشان كنتوا بتتعاركوا كتير مع بعض وانتم صغريين 00 انما دلوقتى خلاص كبرتوا
انا من زمان ياعمواا كنت بقول لماما كده 00 ودلوقتى جيه الوقت عشان ابقا حر ؟؟؟
شوف يا فهمى انا شايف ان انت واخوك محتاجين صاحب البيت الكبير يصرف عليكم انتم الاتنين
وبعدين فى الاخير انتم حريين بقا اولعوااا فى بعض 00 انا كان مالى ومال الجيران 0
نزلت من العمارة وانا بركب سيارتى لاقيت اتنين سودانين فى الشارع بيسلموا بالطريقة دى
اهلا بالزول الشمالى 00 مراحبا بالزول الجنوبى
لا حول ولا قوة الا بالله
حد فاهم حاجة من كل الكلام اللى اتقال ؟؟؟؟؟؟؟

يعطيك العافيه اخ امير على موضوع روعه تقبل مرورى.

اناااا بتشجعكم بس بكون موجود
ويسلموا الاحباب اللى شرفونى بالرد والمرور