طبخة من إبتكار أختكم بريق

اكيفكم جميعا ان شاء الله بخير ..

اليوم أختكم بريق فااااااايئة وراااااايئة فئت الصبح بكير وفتت على منتدانا الغالي

وقضيت وقت حلو ..لحتى صارت الساعة 10 ونص قلت يلا يا بنت صار وقت الغدا

توجهت الى المطبخ شفت اللحم فقلت يا الله معؤؤل كل مرة أعمل كبسة((الله ييديم النعمة ))

اليوم لازم غير.. سرحت بخيالي وقلت لازم اليوم أخترع طبخة واللي بدو يصير يصير

قمت قطعت اللحمة مع الشحمة وحطيتهم على نار هااادية بعدين بشرت بطاطا وحدة

و2بندورة وقطعت بصل صغير طيب بعدين حطيت ملعقة سمنة وحطيت البطاطا لحتى تحمرت

حطيت البصل بعدين البندورة وحبة ماجي وبهارات وكمون وملح وقرنفل وهيل

(كل شي بوشي حطيتو )

وتركتهم على
نار هااادية واللحمة عم تتحمر بعد ما تحمرت اللحمة حطيتها فوق اللي ذكرتهم من شوي

وتخيلو حطيت علبة زبادي معهم وخليت النار خفيفة ...

بس لو تشمو ريحة البيت صارت بتجنن من هالطبخة

ونقعت الرز وسلقتو بماء وزيت وملح وقبل ما يستوي صفيتو وحطيتو فوق الخلطة وتركتهم

يستوو على مهل

وهلأ هنن على الغاز بعد الغدا بوافيكم بأخر الأخبار (الله يستر )

على العموم خنائة تفوت ولا حد يموت

يلا لي عودة بعد الغداااااااء ان شاء الله

لحتى أحكيلكم تعليقات اللي أكلو من طبختي

التعليق الأول (صدقا صدقا بتجنن )

التعليق التاني(ماشاء الله طيبة )

التعليق التالت (ليش تحطي بزاليا ما بحبا )نسيت أحكي انو حطيت شوي بزاليا

التعليق الرابع (ليش هي الطبخة جديدة )لما سمعت هيك أنصدمت

التعليق الخامس (ممتازة اليوم الطبخة مية المية )

وأهم شي طبعا بالنسبة إلي هو انو طبختي عجبتني بتطييير العئل

وأنصحكم تجربوهاعلى مسؤليتي

الله يعطيك العافيه بريق على هى اكله لذيده ولا شهتنا يسلموا لايدك تكولها بالصحه وراحه.

» بريق الماس
» من بريق الكلااام ...
» بريق الأمل ....
» لماذا منتدى بريق الكلام
» بريق الامل اهلا وسهلا بك