شااارع شااارع زنقة زنقة

بعد التحية والسلام ياا ساادة ياا كرام

ومن خلال مشاهدتى للاوضااع اللى بتتغير فى العالم العربى لاحظت عدة نقاط اهمها يا شبااب .

1) مش عارف رئيس كل دولة طالع فى الاعلام وبيحلف براس ابوه وراس عايلته ان بلدة مش زى مصر ولا تونس ... واحنا من جانبنا بنحلف برضه باللى خلفونا ان الجزائر مش مصر وان لبنان مش تونس وان البحرين مش الكويت وان السعودية مش سوريا وان السودان مش مورتانيا .... ارحمونا بقا واعرفوا ان الشبااب بيتكلم على اوضااع مش تضاريس وجغرافياا .

2) التمسك الرهيب بالسلطة والزعامة .. كل رئيس دولة فى داخل بلده مطالبات باصلاح تلاقيه راح مستورد غراء امريكى عالى الجودة وداهن بيه الكرسى بتاعه ويروح قاعد عليه .. وده يفسر ان لقطات الرؤساء دى اللى جت على التى فى كانت منقولة من جهة واحدة من الامام .. صدقونى الكاميرا لو لفت واخدت مسقط خلفى هاتشوفوا الكراسى لازقة .

3) من ساعة ماقامت الثورات فى البلدان العربية وانا اول مرة اعرف ان فيه قرار عالمى بيقول ان البنوك المركزية للبلاد العربية عادة بتكون فى قصور الرؤسااء ؟
واكبر دليل قصر الرئيس المخلوع بن على والاموال الرهيبة اللى وجودت خلف المكتبة بتاعته ... ومش عاوزين نظلم حد شبااب انا سالت بن على وجاوب على فى النقطة دى تحديدا وقالى انه كتير لما بيقرأ ونظرا لاعباء الرئاسة عليه بيضطر يتوقف عن القراءة على صفحة ما ... عشان كده بيسحب ورقة بنكنوت من اللى ورا المكتبة عشان يحطها مكان الصفحة اللى توقف عندها ( فهمتوا بقا بطلوا افترا على الرؤسااء )

4) اختيار الاماكن اللى بيرحوا فيها الزعماء المخلوعين وعلى سبيل المثال:-
بن على ( السعودية ) وهو فسر المكان بانه راح يعمل عمرة يكفر فيها عن ذنوبه
مبارك ( شرم الشيخ ) ورغم ان عمر سلمان قاله يا ريس قول انت كمان انك رايح تحج هناك ومتقولش انك بتعلم عمرة عشان متقلدش بن على بس الريس طبعا خد باله من الوقيعة بتاعة نائبه واعترض بشدة ( لان الوقت مش وقت حج ) .
اعلى عبد صالح ( المكان الجديد سلطنة عمان ) وهو بالمرة يبقا جنب بلده يمكن يحصل انقلاب ويرجع
القذافى ( النيجر ) مكانه محجوز هناك وكرسى ملك ملوك افريقيا مستنيه طبعا

5) سبحان الله العظيم لغاية دلوقتى وكل الرؤساء مصريين وبشكل قاطع ان اللى بيحصل فى بلادهم ده اجندات اجنبية وده طبعا واضح وجلى لان السلطات عندهم لمحت بعض الاشخاص اللى فى المظاهرات شعرهم اصفر وعيونهم خضر والمواصفات دى محكورة على الاجانب ( عجبى )

مضطر فى النهاية انى ابدى اعجابى الشديد بمقولة القذافى حى حى شارع شارع زنقة زنقة تحس كده فيها بدفىء مشاعر الروابط الاسرية والجيران والاحباب واللمة .

اسف للاطالة عليكم واسف ثانية لتأخيرى فى كتابة الموضوعات بمنتدنا الحبيب وذلك لظروف عملى .

تسلم الأيادي والله أنا مابعرف أقولك إيه بالظبط بس لازم كلنا نغير في بلادنا دا وقت التغيير وشكرا على الموضوع الرائع

مشكور يا غالي