وعندك واحد تنمية وصلحوووووووووووووووووووووه

بعد السلام يا سادة يا كرااام 0
وانا قاعد كده فى البلكونة وبشرب النسكافيه بتاعى ابو شنب ابيض ده عارفينه 00 وطبعا ماسك الماج بتاعى واخدين بالكم من موضوع الماج ده 00 اصله بقا موضة
المهم بلاش اطول عليكم 00 بفتح الجرايد كعادتى اليومية لعل اشاهد ماهو جديد فى عالمنا العربى
واذا بى اقرا عناوين الصحف فى معظم الجرائد العربية بتتكلم عن التنمية 00 بينى وبينكم شدتنى الكلمة وبما ان صاحبكم من مميزى التعليم المجانى بمصر 00 قلت يواد ماتشوف كلمة التنمية دى فين عشان برضه لما حد يكلمك تبقا واد فصيح كده وترد 0
ال فهمتوا من الجرايد ان التنمية دى موجودة فى كل المجالات 00 قلت انزل واشوف 00 لبست بدلتى المستوردة واللى بتبين قد ايه فيه تنمية فى مجالات الازياء العربية
اول واحد قبلنى عم شعبان البواب سالته ايه ياعم شعبان اخبار التنمية ايه عندك 00 رد وقالى والله يا استاذ امير من امبارح وهى بتوجعنى اووى وعملت نعناع سخن ومفيش فايدة شكلى كده هاروح للدكتور 000
سبت عم شعبان خرقان فى التنمية بتاعتوا 000 وروحت على سيارتى اركبها لاقيت واحد معدى فى الشارع 00 سالته وقلت له قولى يا اخ هى التنمية دى نلاقيها فين ؟؟
وبعد تفكير عميق وهرش فى شعره لما قرفنى ونطق اخيرا وقالى 00 تقريبا يا استاذ اخر الشارع على اليمين جنب عم محمود بتاع عصير القصب 00
قلت حلو اوووى 00 وادى كمان واحد فاهم التنمية زى حالاتى بالضبط 00 نكمل مشوار التنمية ركبت سيارتى وروحت الشغل 00 شوية وقابلت عامل من عمال الشركة اللى بشتغل فيها 00 طرحت عليه نفس السؤال بصلى كده وقالى 00 هما قالوا هايجبوا خرفان من استراليا عشان اللحمة عندنا غالية يا استاذ امير 00 ياعم مصيلحى مال الخرفان ومال اللى بسالك عليه 000 مالوا ازاى يا بيه مش برضه دى تنمية حيوانية ؟؟
سكت كده وقلت باين عليك بتفهم يا نصة ( مصيلحى ) يكونش دى هى التنمية فعلا 00 يعنى الناس تنتج وهنا نستورد ونحق التنمية بالبلد0
انا قرفت هاروح اشرب كوباية شاى على القهوة واريح دمااغى 00
ايا جرسووون 000
ايوة يا بيه تحت امرك 00
الا ايه اخبار التنمية عندك ؟؟
بس كده يا بيه 000 وعندك وااااااحد تنمية وصلحووووه للباشااا00
يا نهار اسود ومهبب 00 للدرجة دى كل الشعب فاهم التنيمة وانااااا بس اللى من زمن تانى 00
االلهم ديم عليناااا التنمية العربية قاااادر يا كريم

فعلا بلا مجامله موضوع رائع
تقبل مروري المتواضع
بانتضار المزيد بفارغ الصبر
مشكووووووووووووووووووور
اخي امير

موضوع جميل وارئع نتمنى لك توفيق .