عروسة اون لاين

بعد التحية والسلام يا سادة يا كرااام
من خلال تواجدى عالنت 00 اصبحت اليومين دول مواقع الزواج منتشرة وبشدة وبما انى متزوج والحمد لله قررت انى ادخل المواقع دى واشوف نصيبى ( منا لسه فاضلى تلاتة )
المهم دخلت مواقع زواج دوت كم 00 لاقيت استمارة طويلة عريضة لازم اكتبها عشان الموقع يشوفلى الزوجة المناسبة 00 قلت وماله يا واد خليك مع الخاطبة للاخر شىء 00 وقعدت اجاوب على الاسئلة كام طولك وعرضك ولون عينيك ومقاس رجلك وسماكة طرف ودانك اليمنى 00 المهم حسيت انى قاعد قدام سكانر مش اسئلة ابلكيشن 0
بعد مابعدت القايمة الطويلة العريضة وطبعا ماتنسوش الهوايات وماادراك مالهويات قعدت ساعة فيها لوحدها 00 والطعام المفضل ومش عارف ايه وايه وايه 0
بعد اسبوعين لاقيت رسالة على الميل تبشرنى بالعروسة المنتظرة 00 بس ايه ماينفعش تفتح الرسالة الا لما تبعت فلوس الخاطبة قصدى الموقع 00 روحت باعتها منا بقا كلى فضول للعروسة الللى جاية من الدنمارك 00 المهم قدرت افتح الرسالة واشوف مواصفات العروسة الحلاوة ومن اول ماشوفت الاسم وانا قلبى اتقبض ( اسمها ست ابوها ) يا نهار اسود بقا انا بعد مكتبت كل القايمة بتعتى وشايفين اسمى امير الاقى فى الاخر عروسة الندامة اسمها ست اابوها 00 السن 32 ماشاء الله يعنى عاوزلها فرومات من اول وجديد 00 لون الشعر اصفر ( والحقيقى اسود ) مش فاهم يعنى اختار انا بقا اللون اللى يمشى مع بدلتى مثلا 0 نكمل 00 طويلة ( وقصيرة لو قلعت الكعب العالى ) ده على اساس انها عروسة اوبشن بتطولها وتقصرها براحتك بقا 0
ممشوقة القوام ( بس لو لبست كورسيه ) طب لو مش لابسة البتاع ده اعمل ايه انا ؟؟
عيونها سوداء -خضراء - عسلى ( دى طبعا فهمتها من غير مايقولولى ) يعنى هى جت على دى 0
طب بلاش المواصفات خلينا فى الهوايات يمكن ربنا يسهل 00
المطربين سماع اغانى عماد بعرور ومحمود الحسينى ( منكم لله دنا كتبت بسمع عمرو دياب)
اهوياتها المسلسلات التركية وبتحب مهند موووت حتى لو انا اتجوزتها ( ده شرطها الاساسى ) بتموت فى العوم فى الترعة ( على اساس ان دواء البلهارسيا متوفر )

االف مبروك للعروسين ( حد ناوووووى فيكم يتزوج اون لاين ؟؟؟؟)

ههههههههههه كتير حلو امير الله يعطيك العافيه .

ههههه كتير حلو

الله يعين اللي بيوقع بهيك جوازة