هو ذنبى يعنى انى خرووووووووف

بعد السلام والتحية يا سادة يا كرام====== وبعد الرجوع بعد توقف بسيط خارج عن ارادتى
احب ااقول كل عام وانتم بخير بمناسبة عيد الاضحى المبارك
وبالمناسبة الجميلة دى مش عارف ليه مش مسيطر على احساس اليومين دول الا احساس الجوع ومتخيل بقا نفسى
انا ونص الخروف على السفرة ومحدش تالت والشيطااان شاطر 000 هايتاكل هايتاكل 00 وطول الوقت مستنى يوم الاضحية 0
امبارح وانا نازل سمعت صوت مااااااااااااااء 00 مش عارف ليه اشديت للصوت وفضلت ماشى ماشى وراااه
00 لحد مالقتنى وواقف قدام خرووف انما ايه حاجة حلوة اوووى وجت عينى فى عنيه ودار الحوار الصامت
امير : امتى يا حبيبى هاتتاكل يا حلوتك وجنبك الفتة
الخروف : مشكلتكم بنى البشر انكم فاكرين اننا بس اللى خرفان
امير : قصدك ايه ياااض
الخروف : قصدى معروف بس انت اللى بتستهبل
امير : يانهار اسود حتى الخرفان حاسين بحالنا كعرب
الخروف : لهو انت فاكر اننا مش بنحس 00 المصيبة انكم انتم اللى مش بتحسوا
امير : ياخروف احنا بشر وانت خروف
الخروف : هو ذنى يعنى انى خروف 00 طب على الاقل انا لى قيمة بتاكل ايام العيد
انتوا بقا ايه قيمتكم قبل العيد ولا بعده
امير : بينى وبينكم سرحت شوية فى الزفت الخروف ده 00 هو صحيح احنا هانقعد ناكل
وخلاص يعنى الفايدة ناخدها مش بنعملها
الخروف : قربت تفهم يا بنى ادام
امير : تفتكر يااض يا خروف هايجى اليوم اللى مايتقلش علينا خرفان
الخروف : عارف يا مسلم يوم ماتحس ان الخروف اللى فى الدنيا مش للاكل
وبس ساعتها بس يمكن يشيلوا لقب خروف منك
امير : طب ماهو الغرب كمان خرفان ؟
الخروف : كانوااا خرفان قبل مايخدوا كل حاجة مناااا ويصدروانا القرون نتباهى بيها على رؤوسنا
امير : وبعدين فى اليوم اللى مش هايعدى ده بص يا خرووف اخرك معاياا محطوط عالسفرة بطل كلام كتير وفلسفة فاضية
الخروف : مافيش فايدة مافيش فايدة 0000 ليه ياربى خلقتنى خروووووف