الديموقراطية والمهلبية

بعد السلام ياا سادة يا كرام
النهاردة جالى مزاج اتكلم على موضوع شائك جدا ومحيرنى ومحير الناس كلها 000 ايه معنى الدديمقراطية وازاى تتحقق فى البلاد العربية 00والله يا جماعة وبعد جهد جهيد لاقيت ان الديمقراطية نوعين :-
1) ديمقراطية البلاد العربية
2) ديمقراطية سائر بلاد العالم كله

وطبعا رقم اثنين مش هانتكلم عليها خلونا فى رقم واحد وبلاوى رقم واحد اللى بيحصل يا جماعة ان موسم الانتخابات وبسميه موسم لانه بيكون عبارة عن حركة فى كل حاجة يعنى الناس بتوع المطبوعات بيشتغلوا اليومين دول الناس بتوع السرادقات نفس الحال الناس اللى معندهومش حاجة يعملوها اسااسا وعاطلين بيلاقوا سوق لهم فى موسم الانتخابات حتى الناس الغلابة بياكلوا ويشربوا وياخدوا فلوس حق الاصوات وايه بقا تبقا هيصة 0
وخد عندك الشعارات بقا انتخبوا فلان وحق التصويت ثابت اينما كونت 00 انتخب وابعت رقم حسابك وحقك واصل
انتخب وخدلك كام الف ينفعوك فى الجواز 00 انتخب وهات ورقك عشان نوظفك فى الحكومة 00انتخب بصوتين ونجبلك خروفين 00 انتخب حالا وكسوة عيالك علينا حتى البامبرز موجود 0
ده حال الانتخابات يا سادة يا كرام عبارة عن ديمقراطية مدفوعة الاجر 00 كتير جدا بحس ان افراد الشعب ليس لهم قيمة ولا سعر الا ايام الانتخابات وللاسف 00 انا شخصيا رفعت سعر صوتى للضعف اذا كان عجبوهم بقا ولا احترف بره واجيب عقد خارجى وادى صوتى لاوباما ؟؟
الغريب بقا وعلى حد علمى ان حتى المتوفى له صوت فى الانتخابات ؟ يعنى عمله مش بينقطع من الدنيا شغال تصويت حتى لو مات وادفن وبقا عظم 0
الديمقراطية عندنا يا سادة هى حكم الشعب بنفسه ( بس بعد ماتدفعله حقه ) وعجبى 00
مفيش فرق ابدا بين الديمقراطية والمهلبية الاتنين لهم سعر والاتنين بيفرحوا الغلابة والاتنين محتاجين سوا على نار هادية 00 الشعب عندنا اكل المهلبية من زماااان وفاضل يحلى برز بلبن ؟؟؟؟

كتير حلو امير الموضوع بس هى حال دول العربيه باكملها شو راح نعمل غير دعاء بلاصلاح تقبل مرورى.